Vit tekna og byggja brýr millum deyv og hoyrandi
Vælkomin
Vit eru Eyðgunn og Edny og vit eru útbúnir teknmálstulkar og lærarar/undirvísarar við nógvum ára royndum. Okkara mál er, at tú og eg, óansæð hoyrn, kunnu luttaka og fáa alt við í gerandisdegnum.
Vit trúgva nevniliga upp á, at øll eiga sama sjálvsagda rætt til samskifti, kunning og upplivingar í gerandisdegnum - eitt nú tað, sum verður sagt á fundum, til próvtøkur, í skúlastovuni, hjá læknanum, í rættinum, á almennum tiltøkum, í sjónvarpinum og nógva aðra staðni.
So um tú hevur okkurt upp á hjarta, sum tú ynskir at øll skulu fáa við, ert tú komin á rætta stað.
Alt kann tulkast
Brúk er fyri teknmálstulking allastaðni, har deyv og hoyrandi koma saman og har fyriskiparin ynskir at tiltakið skal vera atkomuligt fyri øll. Niðanfyri eru nøkur dømi um uppgávur, har ið hugsað eigur at vera um teknmálstulking
Skúli og útbúgving
Undirvísing á miðnámsskúla og hægri útbúgvning, skeið o.a.
Arbeiðspláss
Alt viðkomandi samskifti á arbeiðsplássinum, eitt nú setanarsamrøður, kunning, upplæring og skeið, starvsfólkafundir og tiltøk.
Heilsuverk og lækni
Læknaviðtalur, viðgerð, innleggjan, stovugongd, ljósmóðir o.a.
Frítíð
Undirvísing á kvøldskúla, tiltøk í áhugafeløgum, bindiklubbi, ítrótt, hátíðarhald, veitsluborðhald o.a.
Trúðarlív
Gudstænastur og møtir, dópur, ferming, vígslur, jarðarferðir o.a.
Gerandislív
Foreldrafundir, viðtalur í skúla og dagstovni, samband við myndugleikar, bankaviðtalur, húsakeyp og -søla o.a.
Alment
Almenn tiltøk, mentanarlig tiltøk, fyrilestrar, ráðstevnur, politiskir fundir, løgregla og rættur o.a.
Fjølmiðlar
Tíðindi, valsendingar, tíðindafundir, mentanarsendingar og aðrar føroyskar sendingar
Heimasíður og kunningartilfar
Atkoma til almennar heimasíður hjá landsmynduleikum, kommunum og privatum
Ert tú fyriskipari av onkrum av omanfyri standandi og ynskir at tryggja øllum atkomu til tínar tænastur?
Tulkatænastur
Vit bjóða ymiskar tulkingarhættir fyri at geva hoyrandi og deyvum bestu møguleikar at samskifta.
Allar tulkingar eru í trúnaði.
Teknmálstulking
tá tulkað verður beinleiðis úr teknmáli til talað mál og frá talaðum máli til teknmál.
Teknstuðlað samskifti
tá tulkurin leggur seg tætt at setningsbygnaðinum í talaða málinum og hevur týðiligar munnrørslur.
Fjartulking
tá tulking fer fram gjøgnum skíggja, - teldu, teldil ella telefon.
Tekst til teknmál/teknmál til tekst
umsett verður frá teksti til teknmál og frá teknmáli til tekst.
Taktiltulking
Tá ið tulkað verður millum deyvblind og umheimin
Hevur tú brúk fyri tulking? Send okkum ein fyrispurning!
Vit báðar
Edny Poulsen
Fólkaskúlalærari, Føroya Læraraskúli 1985
Teknmálstulkur, KC & Handelshøjskolen København 1994
Psykiatri & Minimaltulking, UCC Professionshøjskolen København 2013
Rættstulkur, UCC Profesionshøjskolen København 2018
Ritstjóri og mennari av føroysku netbornu teknmálsorðabókini SignWiki Føroyar 2013
Edny hevur 37 ára royndir sum undirvísari innan serøkið. Hon hevur drúgvar royndir sum deyvalærari, serráðgevi, undirvísing í tekn til talu, teknstuðlaðum samskifti og teknmáli innan skúla, kvøldskúla, sum skeiðsvirksemi fyri avvarandi og fakfólkum, umframt stigvísa teknmálsfrálæru í modulum.
Umframt undirvísingarøkið, hevur hon 28 ára royndir sum teknmálstulkur, og hevur tulkað breitt innan flestu hugsandi samfelagsviðurskifti bæði heilsuverk, undirvísingarøkið, ráðstevnur, tíðindaflutning, átrúnað og alt handa slag av tulking.
Eyðgunn Hansen
Folkaskúlalærari, Føroya Læraraskúli 1999
Teknmálstulkur, KC, Center for Tegnsprog og Tegnstøttet Kommunikation 2007
Rættstulkur, UCC Profesionshøjskolen København 2018
Kirkjutulking, FTT Foreningen for tegnsprogstolke, København 2019
Ritstjóri og mennari av føroysku netbornu teknmálsorðabókini SignWiki Føroyar 2013
Eyðgunn hevur 20 ára royndir sum undirvísari. Hon hevur drúgvar royndir við at arbeiða innan teknmál, teknstuðlaðum samskifti og tekn til talu, bæði í sambandi við undirvising/skeiðvirksemi og teknmáls orðabókagerð.
Umframt undirvísingarøkið, hevur hon 15 ára royndir sum teknmálstulkur, og hevur tulkað breitt innan flestu hugsandi samfelagsviðurskifti bæði heilsuverk, undirvísingarøkið, ráðstevnur, tíðindaflutning, átrúnað og alt handa slag av tulking.
Samband
Telefon: 213479 Eyðgunn / 218364 Edny